Жарақаттанудың алдын алу

Бала денсаулығын сақтаудың бір жолы жарақаттанудың алдын алу. Бала жарақаты әртүрлі жағдайлар мен себептерге байланысты болады. Сондықтан, негізгі назар балалармен жүргізілетін тәрбиелік жұмыстарға аударылуы тиіс.  Соғылу, сыну, шығарып алу және т. б. сияқты жарақаттар аяқ асты орын алады. Балалар ең алдымен қоршаған ортаның қолайсыздығы, көңіл бөлмеу, қамсыздық, асығыстық, жол ережелерін сақтамау, көшеде, үйде, ойын кезінде, күнделікті тұрмыста бала тәртібінің дұрыс болмауының және т. б. салдарынан жарақат алуға тап болады.  Кеңөткел негізгі мектебінде қауіпті жағдайларды болдырмас үшін іс-шаралар өткізілді. Оқушыларға жарақат алған кезде берілетін алғашқы көмек туралы бейне-роликтар, слайдтар көрсетілді.Оқушылармен әңгімелер өткізілді.